今朝一早起身，六點和師傅推手，
六點四十分離開屋企，坐111隧巴往中環，
由雲咸街行上去舊山頂道一號的
「嘉諾撒醫院」，大約九點做手術，
用了廿多分鐘便做完，切除了一粒
約6mm x 3.5mm x 2.5mm的粒狀物，
切除後要取去化驗，過程中醫生和
護士的對話中，說很少由神經線和
血管間生出來！
這樣大個仔第一次入院及做手術，
推入手術室的感覺並不好受，
而且是局部麻醉，他們做什麼都知，
期間醫生叫我睇吓，我死都唔睇，
雖然平日很喜歡睇恐怖片，為免以後
煮餸有陰影，死都唔望！
因為傷口痛，所以做住“獨臂刀”先，
不過最煩手術係做右手，得番左手做嘢，
早上班學生主要大部份時間是練習，
只是現在正在教中央電視台 - 新編的 “太極操”
要停一停，但工聯會就煩少少，
要就住就住咁教！
原來無咗一隻手做嘢係咁煩嘅！
5/12/2008，今日去洗傷口，輕便多了，
而且見到個傷口，手工幾好，姑娘話縫了兩針！
今日08/12/2008終於去拆線和見醫生，
第一日真真正正見到個傷口，怪不得還痛，
原本表皮還有約2mm未埋口呢，報告未出，
還要等多一個星期再覆診！
今日15/12/2008是最後一日覆診，最主要是
睇報告，報告寫“從血管生出來的良性瘤”，
醫生說從血管生出來真的比較少呢！
上圖三張膠紙是上星期未埋口時，便是用這
幾條膠紙拉埋個傷口的，我想等個傷口，
埋得實喲先除下它！
19/12/2008 終於清楚見到它了！
沒有留言:
發佈留言